ಹಂಸ ನೀರಿಲಿಪ್ಪ ಹಾಂಗೆ ನಾವು ಭೂಮಿಲಿರೆಕ್ಕು : ಒಪ್ಪಣ್ಣನ ಅಜ್ಜ

ನಮ್ಮ ಪರಿಸರದ ಕೆಲವು ಜೀವಿಗಳ, ವಸ್ತುಗಳ ಎಲ್ಲ ಉದಾಹರಣ ಮನುಷ್ಯನ ಜೀವನಕ್ಕೆ ಹೊಂದಿಕೆ ಅಪ್ಪ ಹಾಂಗೆ ಅಜ್ಜಂದ್ರು ಕಥೆ ಹೇಳುಗು. ಅದರಿಂದ ನವಗೆ ನೀತಿ ನೆಂಪುದೇ ಒಳಿತ್ತು, ಆ ಪ್ರಾಣಿಗಳೂ ಮನಸ್ಸಿಂಗೆ ಹತ್ತರೆ ಆವುತ್ತು. ಅಲ್ದೋ? ಮನೆಲಿ ಅಜ್ಜ ಒಂದೊಂದರಿ ಹೇಳುಗು, ಹಂಸ ಇಲ್ಲೆಯೋ, ಅದು ನೀರಿಲಿ ಇಪ್ಪ ಹಾಂಗೆ ನಾವು ಭೂಮಿಲಿ ಇರೆಕ್ಕೂಳಿ.

ಇದರ ತಾತ್ಪರ್ಯ ಎಂತರ ಹೇಳಿತ್ತು ಕಂಡ್ರೆ: ಹಂಸವ ದೂರಂದ ನೋಡುವಗ ತುಂಬಾ ಆರಾಮಲ್ಲಿ, ಶುಭ್ರ-ಗಂಭೀರವಾಗಿ ನೀರಿಲಿ ತೆಲಿಗೊಂಡು ಹೋದ ಹಾಂಗೆ ಕಾಣ್ತು. ನೋಡುವವಕ್ಕೆ ಆನಂದ ಆವುತ್ತು. ವಾವ್- ಹಂಸ ದಷ್ಟು ಆರಾಮ ಜೀವಿ ಆರೂ ಇಲ್ಲೆ - ನೆಮ್ಮದಿಲಿ ಬದುಕ್ಕುವ ಜೆನಂಗ ಆರೂ ಇಲ್ಲೆ ಹೇಳಿ ಕಾನ್ತ ಹಾಂಗೆ.
ಆದರೆ, ನೀರಿನ ಅಡಿಲಿ ಮಾಂತ್ರ, ಅದರ ಎರಡು ಪಾದವ ರಪ-ರಪ-ರಪ ಆಡುಸಿಗೊಂಡು ಅದರ ದೇಹವ ಬೇಕಾದ ಹಾಂಗೆ ಸಮತೋಲನಲ್ಲಿ ತೆಕ್ಕೊಂಡು ಹೊಪಲೆ ಇನ್ನಿಲ್ಲದ್ದ ಕೆಲಸ ಮಾಡ್ತು. ಮೇಲೆ ನಿಂದು ನೋಡುವ ಆರಿಂಗೂ ಅದರ ನೀರಿನ ಒಳಾಣ ಕಷ್ಟ ತೋರ್ಸಿಗೊಳ್ತಿಲ್ಲೆ . ಕಾಂಬ ಎಲ್ಲೋರಿಂಗೂ ಚೆಂದಕ್ಕೆ ಮೋರೆ ತೋರ್ಸಿಗೊಂಡು, ತಾನು ಬಯಂಕರ ಸುಖಲ್ಲಿ ಇದ್ದೆ ಹೇಳ್ತ ಹಾಂಗೆ ಬದುಕ್ಕುತ್ತು. ಕೆಲವು ಮನುಷ್ಯರುದೆ ಹಾಂಗೆಯೇ, ತುಂಬಾ ನೆಗೆ ನೆಗೆ ಮಾಡಿಗೊಂಡು ಎಲ್ಲೋರತ್ರೂ ಮಾತಾಡಿಗೊಂಡು ಇರ್ತವಲ್ದ? ಅವರ ಮನೆ / ಮನಸ್ಸಿನ ಒಳ ದೊಡ್ಡ ಪ್ರಳಯವೇ ಆದರೂ ತೊರ್ಸಿಗೊಲ್ತವಿಲ್ಲೆ. ಹಾಂಗೆ ಇರೆಕ್ಕುದೆ.

ಸಣ್ಣ ತಲೆಬೇಶಿ ಆದರೂ ಮನೆಲಿ ಎಲ್ಲೋರಿಂಗೂ ಬೈಕ್ಕೊಂದು, ಸಿಕ್ಕಿದವರತ್ರೆ ಪೂರಾ ಜಗಳ ಮಾಡಿಯೊಂಡು ಸಂಬಂಧ ಹರ್ಕೊಂಡು ಇಪ್ಪವಕ್ಕೆ ಅರ್ಥ ಅಪ್ಪಲೆ ಇದರಿಂದ ಒಳ್ಳೆ ಗಾದೆ ಬೇರೆ ಇಕ್ಕೋ?
ಅಲ್ದಾ ?

ಒಂದೊಪ್ಪ: ನಮ್ಮ ಕೋಪ ಯಾವಗ್ಲೂ ಹತ್ರಾನವರ ಮೇಲೆ ತೋರ್ಸುದು, ಅಪ್ಪೋ ಅಲ್ದೋ?

ಮಂಗ - ನಾಯಿ : ಎರಡು ಬೈಗಳಿನ ವ್ಯತ್ಯಾಸ

ಅಡಕ್ಕೆ ತೋಟಕ್ಕೆ ಮಂಗ ಬಪ್ಪದು ಸಹಜ.
ಮಂಗಂಗೊ ಬಂದರೆ ಅಡಕ್ಕೆ-ಮಾಲೆಕ್ಕಾಯಿ- ಬೊಂಡ- ಬನ್ನಂಗಾಯಿ ಎಲ್ಲ ಎಳದು ಹಾಕಿ ನಾನಾ ನಮೂನೆಯ ರಗಳೆ ಮಾಡಿ, ಬೆಳೆಶಿದವಂಗೆ ನಾಮ ಹಾಕುತ್ತವು. ಈಗ ಕಾಡುಗೊ ಕಮ್ಮಿ ಆದ ಮತ್ತೆ ಅಂತೂ ಅವರ ಉಪದ್ರ ಜೋರೇ ಜೋರು. ಓಡುಸಿದಷ್ಟೂ ಮತ್ತೆ ಮತ್ತೆ ಬತ್ತವು.
ಇದು ಮಂಗಂಗಳ ಶುದ್ದಿ.

ಈ ಮಂಗಂಗಳ ಓಡುಸುಲೆ ಹೇಳಿ ಮನೆಲಿಪ್ಪ ನಾಯಿಯನ್ನೂ ಕರಕ್ಕೊಂದು ಹೋಪ ಕ್ರಮ ಇದ್ದು. ನಾಯಿ ಜಾತಿ (ಊರ ನಾಯಿ) ಆದರೆ ಬತ್ತು, ಜಾತಿ ನಾಯಿ ಆದರೆ ಕಾಲಿಂಗೆ ಮಣ್ಣು ಆಗದ್ದ ಹಾಂಗೆ ಅಟ್ಟುಂಬೊಳ ಮಾಂತ್ರ ತಿರುಗುದು, ಅದು ಬಿಡಿ. ಯಜಮಾನನ ಹೊಪಲ್ಲಿಗೆ ಎಲ್ಲ ಒಟ್ಟಿಂಗೆ ಬಂದುಗೊಂಡು, ಕಂಡ ಮಂಗಂಗಳ ಎಲ್ಲ ಜೋರು ಮಾಡಿ, ತೋಟ ಇಡೀ ಓಡಿಗೊಂದಿರ್ತು. ಮಂಗ ಮರಂದ ಮರಕ್ಕೆ ಹಾರುವಗ ಇದುದೆ ಅಲ್ಲಿಗೆ ಹೋಗಿ ರಾಮಾ-ರಂಪ ಮಾಡಿ ಬಿಡ್ತು. ಯಜಮಾನನ ಮನಸ್ಸಿಲಿ ಇಪ್ಪ ಆಲೋಚನೆಯ ಸರಿಯಾರಿ ಅರ್ಥ ಮಾಡುವ ಉಪಕಾರಿಯ ಹಾಂಗೆ ಕೆಲಸ ಮಾಡ್ತು.
ಇದು ನಾಯಿಯ ಶುದ್ದಿ.

ಈಗ ಹೇಳಿ, ಮನುಷ್ಯಂಗೆ ಹತ್ತರೆ , ಉಪಕಾರಿ, ನಂಬುಲಕ್ಕಾದ ಪ್ರಾಣಿ ಯಾವುದು? ನಾಯಿ ಅಲ್ದೋ? ಉಪದ್ರವಿ ಜೀವಿ ಯಾವುದು? ಮಂಗನೆ ಅಲ್ದೋ? ಅಂಬಗ,
ಒಬ್ಬಂಗೆ ಬೈವಗ, ಮಂಗ ಹೇಳಿ ಬೈದ್ದರಿಂದಲೂ ನಾಯಿ ಹೇಳಿ ಬೈದರೆ ಹೆಚ್ಚು ಬೇನೆ ಆವುತ್ತು. ಅಲ್ದಾ?
ಅದೆಂತಕೆ ಹಾಂಗೆ?

ಒಂದೊಪ್ಪ: ಪಾಕಿಸ್ತಾನದ ನಾಯಿಗೊಕ್ಕೆ ಬಾಂಬ್ ಹಾಕುಲೆ ನಮ್ಮ ಮಂಗಂಗೊಕ್ಕೆ ಇನ್ನುದೇ ಬುದ್ಧಿ ಬಯಿಂದಿಲ್ಲೆ, ಎಂತ ಹೇಳ್ತಿ ಬಾವ?

ಒಪ್ಪಣ್ಣನ ಸುರುವಾಣ ಪೋಷ್ಟು . . . !

ಓ-ಹೋಯ್ ಭಾವಯ್ಯ...
ಮಧೂರು ಗೆಣಪ್ಪಣ್ಣಂಗೆ ನಮಸ್ಕಾರ ಮಾಡಿಗೊಂಡು, ಹವ್ಯಕ ಭಾಷೆಲೇ ಬರೆತ್ತ ಆಲೋಚನೆಲಿ ಈ ಬ್ಲೋಗು ಸುರು ಮಾಡ್ತೆ.

ಹವ್ಯಕ ಭಾಷೆಲಿ ಸುಮಾರು ನಮೂನೆ ಇದ್ದು- ಮಂಗ್ಳೂರು, ಶಿರ್ಸಿ , ಸಾಗರ ಇತ್ಯಾದಿ ಊರಿಲಿ ಬೇರೆ ಬೇರೆ ಭಾಶೆಗೊ.
ನಮ್ಮ ಮಂಗಳೂರು ಹೊಬಳಿಲೇ ಬೇಕಾದಷ್ಟು ಇದ್ದು. ಕುಂಬ್ಳೆ ಸೀಮೆ ಭಾಷೆ, ವಿಟ್ಲ ಸೀಮೆ ಭಾಷೆ , ಪಂಜ ಸೀಮೆ ಭಾಷೆ, ಚೊಕ್ಕಾಡಿ ಭಾಷೆ,ಮಡಿಕೇರಿಯ ಹೊಡೆಲಿ ಶುದ್ಧ ಕನ್ನಡ ಮಾತಾಡ್ತವು.
ಅದರ ಎಲ್ಲವನ್ನುದೇ ಬಪ್ಪ ಹಾಂಗೆ ಈ ಬ್ಲಾಗಿನ ಕೊಂಡು ಹೊವುತ್ತೆ ಹೇಳಿ ಎನ್ನ ನಂಬಿಕೆ..

ನಿಂಗಳುದೆ ಬರೆಯಿ ಒಪ್ಪಣ್ಣಂದ್ರೇ ..
ಆತೋ?

~~
ಒಪ್ಪಣ್ಣ