ಅಡ್ಡ ಹೆಸರಿನ ಶಬ್ದ ಕೋಶ : ಹತ್ತರಾಣವರ ದಿನಿಗೆಳುವ ಹವ್ಯಕ ಶಬ್ದ ಸಂಗ್ರಹ

ನಮ್ಮ ಜೀವನಲ್ಲಿ ಸುಮಾರು ಸಂಬಂಧಿಕರ, ನೆರೆಕರೆಯವರ ಹತ್ತರಾಣವರ ಬೆರೆತ್ತು. ಎಲ್ಲೋರಿಂಗೂ ಒಂದೊಂದು ಹೆಸರಿರ್ತು ನಾಮಕರಣ ದಿನ ಮಡುಗಿದ್ದು- ಆದರೂ ನಾವು ಪ್ರೀತಿಂದಲೋ, ಕೊಂಗಾಟಂದಲೋ ಒಂದು ಮುದ್ದು ಹೆಸರು ಮಡಗಿ ಅದರ್ಲೆ ದಿನಿಗೆಳ್ತು. ಅದಕ್ಕೆ ವಿಶೇಷ ಎಂತ ಅರ್ಥ ಇರದ್ರೂ, ಕೊಂಞೆ ಶಬ್ದ ಆಗಿದ್ದರೂ, ಅದು ಒಂದು ರೂಢಿಲಿ ಬಂದು ಬಿಡ್ತು. ಕೆಲವು ಸರ್ತಿ ಅವನ ನಿಜ ಹೆಸರು ಬಳಕೆಗೇ ಬಾರದ್ದಷ್ಟುದೇ ಅಡ್ಡ ಹೆಸರು ಪ್ರಸಿದ್ಧ ಆಗಿ ಹೋವುತ್ತು.

ಇದಾ, ಮೊನ್ನೆ ಒಂದರಿ ಕರೆಂಟಿನವು ಕೆಳಾಣ ಬೈಲಿಂಗೆ ಬಂದು ’ಇಲ್ಲಿ ಗಣೇಶ್ ಭಟ್ರ ಮನೆ ಎಲ್ಲಿ?’ ಹೇಳಿ ಕೇಳಿದವು, 'ಇಲ್ಲಿ ಆ ಹೆಸ್ರಿನವು ಯಾರೂ ಇಲ್ಲಲ್ವೋ ..!' ಹೇಳಿದವಡ ಸುರುವಿಂಗೆ. ಮತ್ತುದೇ ವಿವರ ಕೇಳುವಗ ಗೊಂತಾತು, ಅವು ಹೇಳಿಗೊಂಡಿಪ್ಪದು ನಮ್ಮ ಪಾರೆ ಮಗುಮಾವ°ನ ಮನೆ ಹೇಳಿ. ಅವರ ಹತ್ತರಾಣೋರು ಎಲ್ಲರು ಮಗುಅಪ್ಪಚ್ಚಿ, ಮಗುಮಾವ° ಹೇಳುಗು, ಬೈಲಿಲಿ ಅವಕ್ಕೆ ಇನ್ನೊಂದು ಹೆಸರು ಗೆಣವತಿ ಹೇಳಿ. ’ಗಣೇಶ ಭಟ್ಟ’ ಹೇಳಿ- ಶಾಲೆಲಿ, ಕಾರ್ಡಿಲಿ ಎಲ್ಲ ಇಪ್ಪದು. :-)

ಅಡ್ಡ ಹೆಸರು ಹೇಳಿರೆ ಸಾಮಾನ್ಯವಾಗಿ 3 ನಮೂನೆ.
* ಸಾಮಾನ್ಯ (General) ಆಗಿ ಇಪ್ಪ ಕೆಲವು ಕೊಂಗಾಟದ ಶಬ್ದಂಗಳಲ್ಲಿ ಒಂದು. (ಮಾಣಿ, ಒಪ್ಪ ಕುಂಞ - ಇತ್ಯಾದಿ ) ಮನೆಗಳಲ್ಲಿ ಅಜ್ಜನ ಹೆಸರು ಪುಳ್ಳಿಗೆ ಮಡುಗ್ಗು (ನಾವು ಮೊನ್ನೆ ಈ ವಿಷಯ ಮಾತಾಡಿದ್ದು, ಮರದ್ದಿಲ್ಲೆನ್ನೆ!) ಹಾಂಗೆ ಅಜ್ಜನ ಹೆಸರು ಮಡಗಿರೆ, ಅಜ್ಜಿಗೆ ದಿನಿಗೆಳುಲೇ ಗೊಂತಿಲ್ಲೆ ಇದಾ, ಅದಕ್ಕೆ ಕೊಂಗಾಟಲ್ಲಿ ಹೀಂಗೆ ಎಂತಾರು ದಿನಿಗೆಳುದು.
* ಇನ್ನೊಂದು, ಒಬ್ಬನ ಹೆಸರನ್ನೇ ರಜ್ಜ ಕೊಂಞೆ ಮಾಡಿ ಹೇಳುದು. (ಕೇಶವ ಹೆಸರಿದ್ದರೆ ಕೇಚ° ಹೇಳಿ) ಇದಕ್ಕೆ ಸಂಬಂಧವ ಸೇರ್ಸಿ ಬಾರಿ ಚೆಂದದ ಒಂದು ರೂಡನಾಮ ಮಾಡ್ತವು ಅಜ್ಜಿಯಕ್ಕೊ. :-)
* ಕೆಲವು ಸರ್ತಿ ಇದೆರಡೂ ಅಲ್ಲದ್ದೆ, ಹತ್ತರಾಣ ಹೆಸರು ಅಡ್ಡ ಹೆಸರಾವುತ್ತು!
ಹೊಸ ನಮೂನೆ ಹೆಸರುಗಳಲ್ಲಿ ಇದು ಜಾಸ್ತಿ.
ನೆಡುಬೈಲು ವಿಷ್ಣು ಬಟ್ರ ಪುಳ್ಳಿ ವಿಷ್ಣುಪ್ರಸಾದ ಇದ್ದ° ಅಲ್ದಾ? ಆಚಕರೆ ಮಾಣಿಯಯ ಅಜ್ಜನ ಮನೆ ಬಾವ°, ಅವನ ಪ್ರಶಾಂತ° ಹೇಳಿ ದಿನಿಗೆಳುಗು. ದರ್ಕಾಸು ಮನೆ ಸಾವಿತ್ರಿಯ ಸವಿತ° ಹೇಳಿ ಹೇಳುಗು ಮನೆಲಿ. ಎಡಪ್ಪಾಡಿ ಬಾವ°ನ ನಿಜ ಹೆಸರಂತೂ ಅವರ ಮನೆಯವಕ್ಕೇ ಮರದ್ದೋ ಏನೋ. :-)

ನಿಜವಾದ ಹೆಸರು ಬಳಕೆಲೇ ಇಲ್ಲದ್ದೆ, ಮಗುಅಪ್ಪಚ್ಚಿ, ಒಪ್ಪಣ್ಣ, ಮಾಣಿ ಭಾವ, ಮೋಳು ಚಿಕ್ಕಮ್ಮ, ಕಾಂಬು ಅಜ್ಜಿ, ಸುಬ್ಬಿ ಅತ್ತೆ ಹಾಂಗಿಪ್ಪವು ಎಲ್ಲ ಎಷ್ಟು ಮನೆಮಾತು ಆಯಿದವು, ಅಲ್ಲದೋ?

(ಪ್ರತಿ ಅಡ್ಡ ಹೆಸರಿಂಗೂ ಸಂಬಂಧ ಸೇರ್ಸಿಗೊಳ್ಳಿ. ಉದಾ :'ದೊಡ್ಡ' ಕ್ಕೆ ದೊಡ್ಡಮಾವ, ದೊಡ್ಡಪ್ಪಚ್ಚಿ, ದೊಡ್ಡತ್ತೆ, ದೊಡ್ಡಕ್ಕ ಇತ್ಯಾದಿ... )

೧. 'ಮೂಲ' (ಹೆಸರಿಂಗೆ ಸಂಬಂಧ ಇಲ್ಲದ್ದ ) , ಸಾಮಾನ್ಯ (General) ಆಗಿ ಇಪ್ಪ ಕೆಲವು ಕೊಂಗಾಟದ ಶಬ್ದಂಗಳ ಅಡ್ಡ ಹೆಸರುಗಳ ಸಂಗ್ರಹ:

ಅ
ಅಬ್ಬು
ಅಬ್ಬೆ
ಒಪ್ಪ
ಒಪ್ಪಕುಞ / ಒಪ್ಪೋಞ

ಕ
ಕುಂಞಿ
ಕೂಸು / ಕೂಚು
ಗೋಪಿ : ಗೋಪಾಲ ಕೃಷ್ಣ
ಚ
ಚುಬ್ಬಿ
ಚುಬ್ಬ

ಟ
~

ತ
ತಂಗು
ತಮ್ಮ
ದೊಡ್ಡ

ಪ
ಪುಟ್ಟ
ಪೋಕ
ಬಿಲಿಯ
ಮಾಣಿ
ಮೋಳು
ಮುದ್ದು
ಮುದ್ದ
ಮೋನು
ಮಿನಿಯ

ಯ
ಸುಬ್ಬ
ಸಣ್ಣ

೨. ಇನ್ನು ಹೆಸರಿಂಗೆ ಸಂಬಂಧಿತವಾದ ಕೆಲವು ಅಡ್ಡ ಹೆಸರುಗೊ ಬೇರೆ. ಅದರಲ್ಲಿ ವಿಶೇಷ ಗಮನ ಸೇಳವದು ಇಲ್ಲಿ ಕೆಲವು:

ಅ
ಈಚ : ಈಶ್ವರಣ್ಣ / ಈಶ್ವರಿ (ಈಚಕ್ಕ , ಈಚಣ್ಣ, ಈಚಪ್ಪಚ್ಚಿ ಇತ್ಯಾದಿ )
ಉದ್ದ : ಉದಯಣ್ಣ
ಎಂಕಪ್ಪ : ವೆಂಕಪ್ಪ ಭಟ್ರು

ಕ
ಕಿಟ್ಟಣ್ಣ : ಕೃಷ್ಣಣ್ಣ
ಕೇಚಣ್ಣ : ಕೇಶವಣ್ಣ
ಕಾಂಬು : ಮೂಕಂಬಿಕಾ
ಗೆಣವತಿ: ಗಣಪತಿ ಭಟ್ರು

ಚ
ಚಿದ್ದ / ಚಿನ್ನ :ಚಿದಾನಂದಣ್ಣ
ಚೀಟ : ಶ್ರೀಕೃಷ್ಣ (ಹೊಸ ಶೈಲಿ: ಶೀಕಿ)
ಚುಬ್ಬಣ್ಣ : ಸುಬ್ರಮಣ್ಯ ಭಟ್ರು

ಟ
~

ತ
ನಾಗು : ನಾಗವೇಣಿ
ನಾಣ: ನಾರಾಯಣಣ್ಣ

ಪ
ಪಮ್ಮೇಚ: ಪರಮೇಶ್ವರಣ್ಣ
ಪಾಚಿ : ಪಾರ್ವತಿ
ಮೇಚ: ಮಹೇಶಣ್ಣ
ಮಾಲಿಂಗ/ಮಾಂಗಪ್ಪ :ಮಹಾಲಿಂಗಣ್ಣ
ಮೋನ: ಮೋಹನಣ್ಣ

ಯ
ಲಚ್ಚು: ಲಕ್ಷ್ಮಿ
ವಿಜಿ : ವಿಜಯಕ್ಕ
ವೆಂಕಪ್ಪ : ವೆಂಕಟ್ರಮಣ
ಸಂಕಣ್ಣ / ಸಂಕಪ್ಪಣ್ಣ : ಶಂಕರ
ಶೀನ : ಶ್ರೀನಿವಾಸ
ಶಂಬು : ಶಂಭಟ್ಟ / ಶ್ಯಾಮ ಭಟ್ಟ
ಸರಸು : ಸರಸ್ವತಿ
ಸವಿತ : ಸಾವಿತ್ರಿ
ಸಾತು : ಸಾವಿತ್ರಿ

ಬಿಟ್ಟು ಹೋದ ಹಳೆ ಹೆಸರುಗಳ ಕೂಡ್ಲೇ ತಿಳುಸಿ, ಸೇರ್ಸಿಗೊಳ್ತೆ ಆತ?

ಹೊಸ ಹೆಸರುಗೊ ಬಂದ ಮತ್ತೆ ಎಲ್ಲ ಬದಲಾಯಿದು ಬಾವ. ಉದಾ: ಈಚಕರೆ ಶ್ರೀಕೃಷ್ಣಣ್ಣ ಭಟ್ರ ಎಲ್ಲರು ಚೀಟಣ್ಣ / ಚೀಟಮಾವ° ಹೇಳಿ ದಿನಿಗೆಳುಗು. ಅವರ ಪುಳ್ಳಿ ಶೈಲೇಶ್ ಶ್ರೀ ಕೃಷ್ಣ ಇದ್ದ ಅಲ್ದಾ, ಅವನ ಎಲ್ಲಾರು ಶೀಕಿ ಹೇಳುದು. ಹೆಸರು ಹೊಸತ್ತು ಆದ ಹಾಂಗೆ, ಅಡ್ಡ ಹೆಸರುದೆ ಹೊಸತ್ತಾವುತ್ತು.

ಒಂದೊಪ್ಪ: ಅಡ್ಡ ಹೆಸರಿಲಿ ಪ್ರಸಿದ್ಧ ಆದರೂ, ಅಡ್ಡ ದಾರೀಲಿ ಪ್ರಸಿದ್ಧ ಅಪ್ಪಲೇ ಬಿಡೆಡಿ ಬಾವ, ಆರನ್ನೂ.

ಬೈಗಳು ಶಬ್ದಕೋಶ: ಕುಂಬ್ಳೆ ಸೀಮೆಯ 'ಹವ್ಯಕ ಬೈಗಳು'ಗಳ ಸಂಗ್ರಹ

ಬೈಗಳು ಕೆಟ್ಟದ್ದಲ್ಲ,
ನಮ್ಮ ಮನಸ್ಸಿಲಿ ಇಪ್ಪ ಪಿಸುರು ಎದುರಾಣವಂಗೆ ಸೂಚಿಸುಲೆ ಇಪ್ಪ ಕೆಲವು ಶಬ್ದಂಗೊ.
ಕಪ್ಪು ೩ ರ ಏರುಸ್ವರ ಲ್ಲಿ ಈ ಶಬ್ದಂಗೋ ಬಂದರೆ ಜಗಳ ಮಾಡ್ತವು ಹೇಳಿ, ಅಲ್ಲದ್ರೆ ಎಂತಾರು ಶುದ್ದಿ ಮಾತಾಡ್ತವು ಹೇಳಿ ಲೆಕ್ಕ, ಅಷ್ಟೇ - ಹೇಳಿ ಪದ್ಯಾಣ ಭಾವ ಹೇಳುಗು ಕುಶಾಲಿಂಗೆ.

ನಮ್ಮ ಭಾಷೆಲಿ ಬಯಂಕರ ಚೆಂದ ಚೆಂದದ ಬೈಗಳುಗೊ ಇದ್ದು. ಕೆಲವು ನೆಗೆ ಬಪ್ಪಲೆ ಹೇಳಿಯೇ ಬೈವದು. ನಮ್ಮೋರು ಹೆಚ್ಚಿನವುದೇ ಬೈವದು ಹಿಂದಂದಲೇ ಆದ ಕಾರಣ, ಎದುರೇ ಕೇಳುಲೆ ಸಿಕ್ಕುತ್ತಿಲ್ಲೆ, ಸಿಕ್ಕಿರೂ ಬೇರೆಯವರ ಬೈವಗ ಆಗಿರೆಕ್ಕಷ್ಟೆ, ಅಷ್ಟಪ್ಪಗ ಕೇಳಿಗೊಂಡು ಕೂಪ ಕ್ರಮ ಒಪ್ಪಣ್ಣಂಗಿಲ್ಲೆ. ನಮ್ಮನ್ನೇ ಬೈದರೆ, ಕೇಳುವ ವ್ಯವಧಾನವೇ ಇರ್ತಿಲ್ಲೆ. :-)

ಮೊನ್ನೆ ಬೆಳ್ಳಿಪ್ಪಾಡಿ ಕುಂಞಪಚ್ಚಿ ಸಿಕ್ಕಿದವು, ಅವು ರಜ್ಜ ಕುಶಾಲು ಜೆನ ಇದಾ.. 'ಹಿರಣ್ಯದ ಮಾವ°, ಅವು ಇವು ಎಲ್ಲ ಸೇರಿ ಹವ್ಯಕ ಹಾಡುಗಳ / ಬೇರೆ ಸಾಹಿತ್ಯಂಗಳ ಸಂಗ್ರಹ ಮಾಡಿದ್ದವು, ಬೈಗಳಿನ ಸಂಗ್ರಹ ಆರುದೇ ಮಾಡಿದ್ದವಿಲ್ಲೇ' ಹೇಳಿ ಹೇಳಿದವು. ಎನಗೆ ಕಂಡತ್ತು, 'ಒಪ್ಪಣ್ಣ° ಏಕೆ ಮಾಡ್ಲಾಗ ಅದರ', ಹಾಂಗೇಳಿ ಎನಗೆ ಹೆಚ್ಚು ಬೈಗಳು ಕೇಳಿ ಗೊಂತಿದ್ದು ಹೇಳಿ ಲೆಕ್ಕ ಅಲ್ಲ . ;-)
ಕೂದಲ್ಲಿಗೆ ಈಚಕರೆ ಪುಟ್ಟ° ಮತ್ತೆ ಒಪ್ಪಣ್ಣ ಸೇರಿಗೊಂಡು ಬೈಗಳುಗಳ ಸಂಗ್ರಹ ಮಾಡಿದೆಯೊ. ಕರೆಲಿ ಕೂದೊಂಡಿದ್ದ ಎಡಪ್ಪಾಡಿ ಬಾವಂದೇ ಸುಮಾರು ಗೊಂತಿದ್ದದರ ಹೇಳಿದವು.
ಬೈಗಳು ಓದುವ ವ್ಯವಧಾನ ಇದ್ದರೆ ಓದಿ :-D
ಛೆ, ಆಚಕರೆ ಮಾಣಿ ಅಲ್ಲಿ ಇತ್ತ°ಯಿಲ್ಲೆ, ಅವನ ಅಳಿಯಂಗೆ ನೇವಳ ಮಾಡ್ಸಲೇಳಿಗೊಂಡು ಸೂರಂಬೈಲು ಆಚಾರಿ ಕೊಟ್ಟಗೆಗೆ ಹೋಗಿತ್ತಿದ್ದ°. ಅವ° ಇದ್ದಿದರೆ ಇನ್ನೂ ಸುಮಾರು ಸಿಕ್ಕುತಿತು. ಇರ್ಲಿ, ಅಂತೂ ಇಷ್ಟಾದರೂ ಇದ್ದನ್ನೆ. ಬಿಟ್ಟು ಹೋದರೆ ಅವ° ಕಮೆಂಟು ಬರಗು.

ಅ
ಅದಿಕ ಪ್ರಸಂಗಿ (ಲೆಕ್ಕಂದ ಹೆಚ್ಚಿಗಾಣದ್ದು ಮಾಡುವವ°)
ಅನಿಷ್ಟ (ಅಶುಭ ಸೂಚಕ ವ್ಯಕ್ತಿ)
ಅಪರ ಡೆಂದ (ಯಾವದಕ್ಕೂ ಉಪಕಾರಕ್ಕಿಲ್ಲದ್ದವ°)
ಅಂಡೆ (ಪೂರ್ತಿ ಸ್ಥಿಮಿತ ಇಲ್ಲದ್ದವ°)
ಎರೆಪ್ಪು (ಪೆದಂಬು, ಹೇಳಿದ್ದಕ್ಕೆ ತದ್ವಿರುದ್ಧ ಮಾಡುವವ°)
ಎಬೇಲೆ (ಅಸಹ್ಯ)
ಎಳಮ್ಮೆ (ರಜ್ಜ ಮಂದ ಬುದ್ಧಿ <ಹಲ್ವ ಕಾಸುವಾಗ ಎಳಮ್ಮೆ ಹೇಳ್ರೆ, ಸಕ್ಕರೆಪಾಕ ಬೇಕಾದಷ್ಟು ಬೇಯಿಂದಿಲ್ಲೆ ಹೇಳಿ ಅರ್ಥ >)
ಓಡಾರಿ (ಕ್ರಮ ಅರಡಿಯದ್ದವ°)
ಅರೆ ಮರುಳ° (~ ಮರ್ಲ°)
ಅಂಬರ ಮರ್ಲ° (~ ಮರ್ಲ°)

ಕ
ಕರ್ಮ (ಸಹ್ಯ ಇಲ್ಲದ್ದ ಕೆಲಸ ಮಡಿದ ಜನ, ಸಾಮನ್ಯ ಉಚ್ಚಾರ : ಖರ್ಮ)
ಕಾಟು (ಕ್ರಮ ಗೊಂತಿಲ್ಲದ್ದ°)
ಕುರೆಪ್ಪಾಟು (ಗಲೀಜು ಮಾಡುವವ°)
ಕುರೆಪ್ಪಾಟು ಸುಬ್ಬ / ಸುಬ್ಬಿ (ಗಲೀಜು ಮಾಡುವವ° - ಗೆಳೆತನದ ಪರಿಧಿಲಿ)
ಕೊರೆಂಙು (ಮಂಗ - ಮಲೆಯಾಳದ ಒತ್ತು)

ಗುಳಿಗ್ಗ° ( ದೈತ್ಯಾಕಾರದ / ಚುರುಕ್ಕು ಇಲ್ಲದ್ದವ° <ತುಳುನಾಡಿನ ಒಂದು ಬೂತದ ಹೆಸರುದೆ ಅಪ್ಪು>)
ಗೊಬ್ಬರ ಸುಬ್ಬ° (ಒಟ್ಟಾರೆ ಇಪ್ಪವ°, ಉಡುಗೆ ತೊಡುಗೆ ಚರ್ಯೆ ಎಲ್ಲ ಹರಗಿ ಇದ್ದರೆ ಹೀಂಗೆ.)
ಗೋಸಾಯಿ (ಸಾಧು , ಎಂತೂ ಸ್ಥಿಮಿತ ಇಲ್ಲದ್ದವ° )

ಚ
ಜಗುಡ° ( ಮರುಳ, ಸಾಮಾನ್ಯ ಉಚ್ಚಾರ : ಜಗ್ ಡ)
ಜಡ ಭರತ° (ಚುರ್ಕು ಇಲ್ಲದ್ದವ )

ಟ
ಡುಮ್ಮಿ (ಸೋಮಾರಿ - ಸಾಮಾನ್ಯವಾಗಿ ಕೂಸುಗಳ ಬೈವ ಶಬ್ದ)

ತ
ತಲೆ ಹರಟೆ (ಸುಮ್ಮನೆ ರಗಳೆ ಮಾಡುವವ°)
ತಾಟಕಿ (ಜೋರಿನ ಹೆಮ್ಮಕ್ಕೋ / ಕೂಸು )
ತಿಂಬ್ರಾಂಡಿ (ಅಳತೆ ಮೀರಿ ತಿಂಬವ°)
ತಿರ್ಗಾಡಿ (ತಿರುಗಾಡಿ - ಸ್ಥಿಮಿತ ಇಲ್ಲದ್ದವ° )
ತುರ್ಕ (ಪೆದಂಬು ಮಾಡುವವ° <ತುರುಕ ಹೇಳಿರೆ ಮಾಪಳೆ ಹೇಳಿ ಅನ್ವರ್ಥ > )

ದರಿದ್ರದ್ದು (ಅನಿಷ್ಟದವ°)
ದೊಣೆಯ (ಸೋಮಾರಿ)
ದುರುಸು ( ಮರ್ಲ°, ಸಾಮಾನ್ಯ ಉಚ್ಚಾರ : ದುರ್ಸು )

ಧರ್ಮ ದಂಡದ್ದು (ಉಪಕಾರಕ್ಕೆ ಇಲ್ಲದ್ದವ°)
ನಾಯಿ (ಒಡೆಯನ ಆಜ್ಞೆ ಇಲ್ಲದ್ದೆ ಕೆಲಸ ಮಾಡಲೇ ಅರದಿಯದ್ದವ°)
ನೇರ್ಪ ಇಲ್ಲದ್ದು (ತಲೆ ಸರಿ ಇಲ್ಲದ್ದು, ನೆರ್ಪ ಹೇಳಿರೆ ಸರಿ ಹೇಳಿ ಅರ್ಥ )

ಪ
ಪರ್ದೇಶಿ (ಕ್ರಮ ಅರಡಿಯದ್ದವ <ಪರ ದೇಶಂದ ಬಂದವ° ಹೇಳಿ ಅರ್ಥ>)
ಪಟಿಂಗ (ಕ್ರಮ ಇಲ್ಲದ್ದವ° , ಪ್ಫಟಿಂಙ - ಇದು ನಿಜವಾದ ಉಚ್ಚಾರ )
ಪಿರ್ಕಿ (ಮಕ್ಕಳಾಟಿಕೆಯ ಜೆನ )
ಪೋಕ್ರಿ (~ ಪಿರ್ಕಿ )
ಪೆರಟ್ಟು (ಪೆದಂಬು, ಪೆದಂಬ°)
ಪೆಂಗ (ಹೆಡ್ಡ)
ಪೆದಂಬ° (ಹೇಳಿದ್ದಕ್ಕೆ ತದ್ವಿರುದ್ಧ ಮಾಡುವವ )
ಪೆಟ್ಟು ಕಮ್ಮಿ (~ ಮರ್ಲ° )

ಪ್ರಾಂದು (ಮರುಳು, ಮರ್ಲ° )
ಬಸವ° (ಹೆಡ್ಡು ಹೆಡ್ಡು ಮಾಡುವ ಜೆನ )
ಬೇಡು ಪರ್ದೇಶಿ (ಪರ್ದೆಶಿಲಿ ಕಚ್ಚಾ , ಪರದೇಶಂದ ಬಂದ ಬೇಡುದು)

ಬಿಕನಾಸಿ (ಭಾಷೆ / ಬುದ್ಧಿ ಅರಡಿಯದ್ದವ°)
ಬುರ್ನಾಸು (ಎಂತಕೂ ಪ್ರಯೋಜನ ಇಲ್ಲದ್ದವ° {ಚೋದ್ಯ: ನಿಜವಾಗಿ ಬುರ್ನಾಸು ಹೇಳಿರೆ ಮೆಸ್ತ್ರಿಗೊಕ್ಕೆ ಅತೀ ಅಗತ್ಯ ಬೇಕಪ್ಪ ಸಾಮಾನು })

ಬೆಪ್ಪ° (ಹೆಡ್ಡ° )
ಬೆಪ್ಪು ತಕ್ಕಡಿ (ಹೆಡ್ಡ° , ತಕ್ಕಡಿ ಹೇಳಿರೆ ಅಂತೆ ರೂಡಿಲಿ ಇಪ್ಪದು ಇಪ್ಪದು ಅಷ್ಟೇ)
ಬೋಳ° (ಹೆಡ್ಡ° )
ಬೋದಾಳ° (ಹೆಡ್ಡ° )
ಬೋದಾಳ ಸಿಂಗ° (ಹೆಡ್ಡರ ಹೆಡ್ಡ - ಸರ್ದಾರು ಇದ್ದ ಹಾಂಗೆ )
ಬೋಸ° (ಹೆಡ್ಡ° )
ಬೋಸುಕುಂಟ್ಯ° (ಹೆಡ್ಡ° )
ಬೆಗುಡ° (ಸಭ್ಯತೆ ಇಲ್ಲದ್ದವ° )
ಬೆಗ್ಡ್ ದತ್ತ° (~ ಬೆಗುಡು)
ಬ್ರಾಂತು (ಮರುಳು)
ಭಾಷೆ ಕೆಟ್ಟದು (ಬುದ್ಧಿ ಇಲ್ಲದ್ದು, ಭಾಷೆ ಹೇಳಿರೆ ಬುದ್ಧಿ ಹೇಳಿ ಅನ್ವರ್ಥ ಇಲ್ಲಿ )

ಮಂಗ° (ಅನಪೇಕ್ಷಿತ ಚರ್ಯೆ ಇಪ್ಪವ°)
ಮರುಳ° (ಮಾನಸಿಕ ವಾಗಿ ಸ್ಥಿಮಿತ ಇಲ್ಲದ್ದ ಜೆನ )
ಮಞನಾಡಿ (ಪೆದಂಬು ಮಾಡುವ ಜನ <ಚೋದ್ಯ: ಮಂಜನಾಡಿ ಹೇಳಿರೆ ಮಾಪ್ಲೆಗಳೇ ಇಪ್ಪ ಒಂದು ಊರು >)
ಮಜಡ° (ಹೆಬಗ°)
ಮಾರಿ (ಅನಿಷ್ಟ )
ಮೂರ್ಕಾಸು (ಬೆಲೆ ಇಲ್ಲದ್ದವ°)
ಮೋಞ (ಹೆಡ್ಡ)

ಯ
ಯೆರ್ಬೆ (ಹೆಡ್ಡು)
ರಗಳೆ (ಮುಜುಗರ ಉಂಟುಮಾಡುವವ°)
ಲೊಟ್ಟೆ ಸುಬ್ಬ° / ಸುಬ್ಬಿ (ಲೊಟ್ಟೆ ಹೇಳುವವ)
ಶೆನಿ (ಅನಿಷ್ಟ , ನಿಧಾನದ್ದು)
ಸಿಂಗಳೀಕ (ಮಂಗನ ಹಾಂಗೆ, ರಜ್ಜ ಖಾರಕ್ಕೆ)
ಸುರ್ಪಕೆಟ್ಟದು (ಅನಿಷ್ಟದ್ದು , ಸುರ್ಪ ಹೇಳಿರೆ ಸ್ವರೂಪದ ಅಪಭ್ರಂಶ )
ಸೂಟೆ (ಜೋರಿನ ಜೆನ - ಸ್ತ್ರೀ)
ಸೊಯಿಂಪ (ಬೇಗ ಕೋಪ ಬಪ್ಪ ಜೆನ )

ಹರವಸು ಕೆಟ್ಟದು (ಅನಿಷ್ಟ)
ಹಸಿತುರ್ಕ ( ಕಚ್ಚಾ ತುರ್ಕ° :-D)
ಹೆಬಗ° (ಹೆಡ್ಡ° )
ಹೆಡಬ್ಬೆ (ಎಂತೂ ಅರಡಿಯದ್ದು )
ಹೆಡ್ಡ° / ಹೆಡ್ಡು (ಮಂದ ಬುದ್ಧಿ)
ಹಾರೆಂಗಿಲು (ಸಭ್ಯತೆಯ ಮೇರೆ ದಾಂಟಿದ ಜೆನ - ಸ್ತ್ರೀ . )

ಸೂ: ಮಕ್ಕಳುದೆ ಓದುವ ಹಾಂಗಿಪ್ಪ ನೆಗೆ ತರುಸುವ ಬೈಗಳುಗೋ ಮಾಂತ್ರ ಇಲ್ಲಿ ಇದ್ದು. ತುಂಬಾ ಹಾನಿಕಾರಕ ಬೈಗಳುಗಳ ಇಲ್ಲಿ ಬರದ್ದಿಲ್ಲೆ. ಈಚಕರೆ ಪುಟ್ಟ ಬೇಡ ಹೇಳಿದ°.

ನಿಂಗೋಗೆ ಗೊಂತಿಲ್ಲದ್ದು ಇದರ್ಲಿತ್ತಾ? ನಿಂಗೋಗೆ ಗೊಂತಿಪ್ಪದು ಇದರಲ್ಲಿಲ್ಲೆಯ ?
ಕೂಡ್ಲೇ ತಿಳ್ ಸಿ ಒಪ್ಪಣ್ಣಂಗೆ.

ಒಂದೊಪ್ಪ: ಬೈಗಳು ಶಬ್ದಂಗೊ ಗೊಂತಿಲ್ಲದ್ದವ ಒಳ್ಳೆಯವ ಹೇಳಿ ಅಲ್ಲ, ಉಪಯೋಗಿಸಲೆ ಗೊಂತಿಲ್ಲದ್ದವ° ಕೆಟ್ಟವ ಅಷ್ಟೇ.

ಹೆಸರಿಲಿ ಎಂತ ಇದ್ದು?

ಹೆಸರೆಂತ ಹೇಳಿ ಆತು? - ಶಿಶು ಹುಟ್ಟಿದ ಕೂಡ್ಲೇ ಎಲ್ಲೊರು ಕೇಳುವ ಪ್ರಶ್ನೆ. ಎಲ್ಲೋರಿಂಗೂ ಆತುರ. ಪುರ್ಸೊತ್ತೇ ಇಲ್ಲೆ.
ಜೀವಮಾನ ಪೂರ್ತಿ ದಿನಿಗೆಳುವ ಹೆಸರಿನ ಆಯ್ಕೆ ಮಾಡುವ ಅವಕಾಶ ಕೇವಲ ಕೆಲವು ದಿನಂಗ ಮಾಂತ್ರ.
ಕಾಲ ಹೋದ ಹಾಂಗೆ ಹೆಸರು ಮಡುಗುತ್ತದು ಹೇಂಗೆ ಬದಲಾಯಿದು ಹೇಳಿ ಗೊಂತಿದ್ದಾ?

ಸಾಮಾನ್ಯ ಹೆಸರು ಮಡುಗುವಾಗ ಕೆಲವೇ ಕೆಲವು ವಿಷಯಂಗೋ ನೋಡ್ತವು.
ಅಜ್ಜನ ಕಾಲ್ಲಲ್ಲಿ:

ಹಿಳ್ಳೆ - ಮಾಣಿಯೋ,
ಸುರುವಾಣವ° ಆದರೆ, ಮನೆ ಅಜ್ಜನ ಹೆಸರು.
ಎರಡ್ನೆಯವ° ಆದರೆ, ಅಜ್ಜನ ಮನೆ ಅಜ್ಜನ ಹೆಸರು
ಮೂರ್ನೆಯವ° ಆದರೆ, ಮನೆ ಮುದಿ-ಅಜ್ಜನ ಹೆಸರು
ನಾಲ್ಕನೆಯವ° ಆದರೆ,ಅಜ್ಜನ ಮನೆ ಮುದಿ ಅಜ್ಜನ ಹೆಸರು. ಹೀಂಗೆ ಪಟ್ಟಿ ಬೆಳೆತ್ತು. . .

ಕೂಸೋ,
ಸುರುವಾಣದ್ದಾದರೆ , ಮನೆ ಅಜ್ಜಿ ಹೆಸರು,
ಎರಡ್ನೆದೋ, ಅಜ್ಜನ ಮನೆ ಅಜ್ಜಿ.
ಮೂರ್ನೆದೋ, ಮನೆ-ಮುದಿ ಅಜ್ಜಿ, ಹೀಂಗೆ ಪಟ್ಟಿ . .
ಎಷ್ಟು ಮಕ್ಕೊ ಹುಟ್ಟಿರೂ ಅವಕ್ಕೆ ತಲೆಬೆಶಿ ಇಲ್ಲೆ. ಈ ಲೆಕ್ಕಾಚಾರ ಹಾಕಿತ್ತು, ಹೆಸರು ಮಡುಗಿತ್ತು .
ಇದರಿಂದ ಒಂದು ಲಾಭ ಇತ್ತು, ಅಜ್ಜಿ - ಅಜ್ಜಂದ್ರ ಹೆಸರು ಪೂರ ನೆಂಪಿಕ್ಕು ಮನೆಲಿ ಎಲ್ಲೋರಿಂಗೂ .
ಮನೇಲಿ ದಿನಿಗೆಳುಲೆ ಎಂತಾರು ಅಡ್ಡ ಹೆಸರು ಇಕ್ಕು, ಒಪ್ಪಣ್ಣ, ಮಗುವ, ಪುಟ್ಟ , ಕುಂಞಿ, ಮಾಣಿ, ಒಪ್ಪಕ್ಕ, ಅಬ್ಬೆ, ಮೋಳು , ಇತ್ಯಾದಿ ಇತ್ಯಾದಿ.
ಸುಲಭದ ಲಾಜಿಕ್ಕು. ಅಲ್ದೋ? :-), ಈಗಾಣ ಸಾಫ್ಟ್ವೇರ್ ಮಂಡೆಗೊ ಆದರೆ ಎಂತಾರು ಪ್ರೋಗ್ರಾಮು ಬರೆತ್ತಿತವು, ಇಂಥವನ ಇಷ್ಟನೇ ಮಗನ ಇಷ್ಟನೇ ಮಗಳಿಂದು ಇಂಥಾ ಹೆಸರೇ - ಹೇಳಿ ಕೂದಲ್ಲಿಂದಲೇ ಒಂದು ಸ್ವಿಚ್ಚು ಒತ್ತಿ ಹೇಳ್ತಿತವು, :-D ಅಲ್ದೋ?

ನಮ್ಮ ಕಾಲಲ್ಲಿ:
ಕಾಲ ಬೆಳದ ಹಾಂಗೆ, ಅಮ್ಮಂದ್ರಿಂಗೆ ಹೊಸ ಹೆಸರು ಬೇಕು ಹೇಳಿ, ಆದರೆ ಹಳೆ ಕ್ರಮ ಪೂರ ಬಿಡ್ಲೇ ಅತ್ತೆಗೆ ಮನಸ್ಸಿಲ್ಲೆ,
ಲಲಿತಾ ಸಹಸ್ರನಾಮವೋ, ವಿಷ್ಣು ಸಹಸ್ರನಾಮವೋ ಎಂತಾರು ಓದಿ, ಚೆಂದ ಕಂಡ ಹೆಸರಿನ ಒಂದು ನೆಂಪು ಮಡಿಕ್ಕೊಂಗು, ಹಿಳ್ಳೆ ಹುಟ್ಟಿದ ಕೂಡ್ಲೇ ಮಾಣಿಯೋ , ಕೂಸಾ ನೋಡಿಗೊಂದು ಒಂದರ ಧೃಡ ಮಾಡಿಗೊಂಗು.

ಅರ್ಧ ಹೊಸ ಹೆಸರು ಮಡುಗ್ಗು, ಅರ್ಧ ಹಳತ್ತು -
ಶಂಕರಜ್ಜನ ಪುಳ್ಳಿ ಶಂಕರ ಕಿರಣ, ರಾಮಜ್ಜನ ಪುಳ್ಳಿ ರಾಮ ಕೀರ್ತಿ. ಕೃಷ್ಣ ಭಟ್ರ ಪುಳ್ಳಿ ಕೃಷ್ಣ ಪ್ರಕಾಶ, ನಾರಾಯಣ ಭಟ್ರ ಪುಳ್ಳಿ ಹರಿ ನಾರಾಯಣ, ಸಾವಿತ್ರಿ ಅಜ್ಜಿಯ ಪುಳ್ಳಿ ವೀಣಾ ಸಾವಿತ್ರಿ, ಪಾರ್ವತಿ ಅತ್ತೆಯ ಪುಳ್ಳಿ ಸ್ವಪ್ನಾ ಪಾರ್ವತಿ-- ಇತ್ಯಾದಿ ಇತ್ಯಾದಿ.
ಅದೆಲ್ಲ ನಮ್ಮ ಕಾಲಲ್ಲಿ ಆತು.

ಆದರೆ ಈಗಳೊ° ?
ಕೆಲವು ವಿಶೇಷ ಕಟ್ಟು ಪಾಡುಗೊ:
ಒಂದು, ಅದು 'ಅ' ಅಂದ ಸುರು ಆಯೆಕ್ಕು. ಶಾಲೇಲಿ ಹಾಜರಿ ಪುಸ್ತಕಲ್ಲಿ ಸುರೂವಿಂಗೆ ಬಪ್ಪಲೆ ಬೇಕಾಗಿ.
ಇನ್ನೊಂದು- ಅದು 2 , ತಪ್ಪಿರೆ- 3 ಅಕ್ಷರ ಇರೆಕ್ಕು. ಹೆಳುಲೆ ಬಂಙ ಅಪ್ಪಲಾಗ ಇದಾ, ಹಾಂಗೆ.
ಇನ್ನೊಂದು- ಎಡಿಗಾರೆ ಅದರ್ಲಿ ಅಪ್ಪನ & ಅಮ್ಮನ ಹೆಸರಿನ ತುಂಡುಗೊ (ಇಂಗ್ಲೀಷು ಲೆಕ್ಕಲ್ಲಿ) ಬರೆಕ್ಕು - ಕಾರಣ ಗೊಂತಿಲ್ಲೆ .
ಮತ್ತೊಂದು - ಹತ್ತರೆ ನೆಂಟರ ಮಕ್ಕೊಗೆ ಎಲ್ಲಿಯೂ ಆ ಹೆಸರು ಇಪ್ಪಲಾಗ.
ಮಗದೊಂದು ಬೇರೆಂತ ಇದ್ದಪ್ಪಾ... ಒಪ್ಪಣ್ಣಂಗೆ ಇನ್ನೂ ಆ ಅನುಭವ ಇಲ್ಲೆ ಇದಾ...! ;-)
ಮಾರ್ಗದ ಕರೆಲಿ ಪುಸ್ತಕ, ವೆಬ್ ಸೈಟಿಲಿ ಮಕ್ಕೊಗೆ ಮಡುಗುಲಕ್ಕಾದ ಹೆಸರುಗಳ ಪಟ್ಟಿಗೊ ಎಲ್ಲ ಸಿಕ್ಕುತ್ತು ಹೇಳಿ ಈಚಕರೆ ಪುಟ್ಟ° ಹೇಳಿದ ಮೊನ್ನೆ. ಉಮ್ಮ - ಎಂತದೋ.


ಒಪ್ಪಣ್ಣನ ಗುರ್ತದ ಒಂದು ತಮಿಳ° ಇದ್ದು, ವಾವಿನ್ ನ ಅಪ್ಪ. 'ಅದೆಲ್ಲ ಅಪ್ಪು ಮಾರಾಯ°, ಆ ವಾವಿನ್ನು ಹೇಳಿರೆ ಅರ್ಥ ಎಂತದೋ?'- ಹೇಳಿ ಕೇಳಿದೆ ಒಂದರಿ. ಅದು ಹೇಳಿತ್ತು,- ಎಂತ ಇಲ್ಲೆ ಪಟ್ರೆ , ವಾ ಹೇಳಿರೆ 'ಬಾ', ವಿನ್ ಹೇಳಿರೆ ವಿನ್ನು(ಗೆಲ್ಲು), ಅಷ್ಟೇ! ಕೊತ್ತಳಿಂಗೆ ಹೊಳಿಮಣೆಲಿ ಹಸಿಗೋಡೆಗೆ ಜೆಪ್ಪಿದ ಹಾಂಗೆ ಹೇಳಿತ್ತು.
ಯಪ್ಪಾ ಇದರ ಮಂಡಗೆ. . . ಹೇಳಿ ಕಂಡತ್ತು ಎನಗೆ. :-) . ಎಂತಾ ಡಿಮಾಂಡಡ ಗೊಂತಿದ್ದ ಅದಕ್ಕೆ, ಹೊಸ ನಮೂನೆ ಹೆಸರು ಮಡಗಲೆ.

ವಾವಿನ್, ಅವಿನ್, ಅಮರ್, ರಾಕಿ, ಪಿಂಕಿ ಹೇಳಿ ಸಂಸ್ಕೃತ, ಇಂಗ್ಲೀಷು ಎರಡ್ರಲ್ಲಿಯೂ ಅರ್ಥ ಇಲ್ಲದ್ದ ಹೆಸರುಗೋ ಮಡುಗುದರಿಂದ, ಒಳ್ಳೆ - ಒಪ್ಪೊಪ್ಪ ಹೆಸರು ಮಡಗಿ ಜೀವಮಾನ ಪೂರ ಸಂತೋಶಲ್ಲಿ ದಿನಿಗೆಳುಲಾಗದೋ?

ಆಚಕರೆ ಮಾಣಿಗೆ ಅಳಿಯ° ಹುಟ್ಟಿದ° ಮೊನ್ನೆ. ಆಸ್ಪತ್ರೆಂದ ಬಂದ ಹಿಳ್ಳೆ - ಬಾಳಂತಿಯ ನಿನ್ನೆ ನೋಡಿಕ್ಕಿ ಬಂದೆ, ಉಶಾರಿದ್ದವು.
ಇಂದು ಕೂದೊಂಡು ಎಲೆ ತಿಂಬಗ ಇಷ್ಟೆಲ್ಲಾ ನೆಂಪಾತು. ಬರದೆ . :-)

ಒಂದೊಪ್ಪ: ನಿಂಗಳ ಅಪ್ಪನ-ಅಜ್ಜನ ಹೆಸರು ನೆಂಪಿದ್ದೋ ನಿಂಗೊಗೆ?

ಒಪ್ಪಣ್ಣನ ಸುರುವಾಣ ಪೋಷ್ಟು . . . !

ಓ-ಹೋಯ್ ಭಾವಯ್ಯ...
ಮಧೂರು ಗೆಣಪ್ಪಣ್ಣಂಗೆ ನಮಸ್ಕಾರ ಮಾಡಿಗೊಂಡು, ಹವ್ಯಕ ಭಾಷೆಲೇ ಬರೆತ್ತ ಆಲೋಚನೆಲಿ ಈ ಬ್ಲೋಗು ಸುರು ಮಾಡ್ತೆ.

ಹವ್ಯಕ ಭಾಷೆಲಿ ಸುಮಾರು ನಮೂನೆ ಇದ್ದು- ಮಂಗ್ಳೂರು, ಶಿರ್ಸಿ , ಸಾಗರ ಇತ್ಯಾದಿ ಊರಿಲಿ ಬೇರೆ ಬೇರೆ ಭಾಶೆಗೊ.
ನಮ್ಮ ಮಂಗಳೂರು ಹೊಬಳಿಲೇ ಬೇಕಾದಷ್ಟು ಇದ್ದು. ಕುಂಬ್ಳೆ ಸೀಮೆ ಭಾಷೆ, ವಿಟ್ಲ ಸೀಮೆ ಭಾಷೆ , ಪಂಜ ಸೀಮೆ ಭಾಷೆ, ಚೊಕ್ಕಾಡಿ ಭಾಷೆ,ಮಡಿಕೇರಿಯ ಹೊಡೆಲಿ ಶುದ್ಧ ಕನ್ನಡ ಮಾತಾಡ್ತವು.
ಅದರ ಎಲ್ಲವನ್ನುದೇ ಬಪ್ಪ ಹಾಂಗೆ ಈ ಬ್ಲಾಗಿನ ಕೊಂಡು ಹೊವುತ್ತೆ ಹೇಳಿ ಎನ್ನ ನಂಬಿಕೆ..

ನಿಂಗಳುದೆ ಬರೆಯಿ ಒಪ್ಪಣ್ಣಂದ್ರೇ ..
ಆತೋ?

~~
ಒಪ್ಪಣ್ಣ